Ինքնաշարժ Մը Վթարի Ենթարկուեցաւ Տպայէի Կամուրջին Վրայ
«ԶԱՐԹՕՆՔ», ՊԷՅՐՈՒԹ: Կիրակի յետմիջօրէին ինքնաշարժ մը վթարի ենթարկուեցաւ Տպայէի կամուրջին վրայ եւ մասամբ շրջուեցաւ, սակայն բարեբախտաբար կամուրջի երկայնքին տեղադրուած գովազդներու պաստառը կանխեց ինքնաշարժի ամբողջական տապալումը:
Մեքենավարը ստացած մարմնական վնասուածքներուն հետեւանքով փոխադրուեցաւ մօտակայ Սերհալ հիւանդանոցը: Արկածը պատճառ դարձաւ նաեւ կամուրջին վրայ ահաւոր խճողումի:
Այս արկածը դարձեալ օրակարգի վրայ բերաւ Լիբանանի երթեւեկութեան վթարներու պարագան, որ օրէ օր աճ կ՛արձանագրէ:
