Եւրասիական զարգացման դրամատունը Հայաստանին մէկ միլիոն տոլարի դրամաշնորհ պիտի տրամադրէ՝ «Նախնական փուլի ոչ վարակիչ հիւանդութիւններու վերահսկողութեան եւ բուժման մեթոտներու կատարելագործման» ծրագիրի իրականացման համար: Ըստ armenpress.am-ի՝ այս մասին յայտնած են Եւրասիական զարգացման դրամատունէն:
Համապատասխան փաստաթուղթը ստորագրուած է ընթացիկ տարուան Ապրիլին:
Ծրագիրը միտուած է առաջին օգնութեան բուժհաստատութիւններու մէջ ոչ վարակիչ հիւանդութիւններու վաղ յայտնաբերման եւ բուժման մեթոտներու կատարելագործման: Ծրագիրը պիտի իրականացուի Լոռիի, Սիւնիքի եւ Տաւուշի մարզերուն մէջ:
