Յուլիս 17-ին Հայաստանէն Թեհրան վերադարձած են Համահայկական բնագիտական ողիմպիականին մասնակցող թեհրանահայ աշակերտները եւ խումբի պատասխանատու Հերմինէ Նազարբէկեանը: Անոնց ծաղկեփունջերով դիմաւորած են Թեհրանի Հայոց թեմի Կրթական խորհուրդի ներկայացուցիչները:
«Հայերն այսօր»-ը,յղում կատարելով Իրանի «Ալիք» օրաթերթին, կը յայտնէ, որ Հայաստանի Հանրապետութեան կրթութեան եւ գիտութեան նախարարութիւնը յուլիս 12-16 կազմակերպած էր Դպրոցականներու չորրորդ համահայկական բնագիտական ողիմպիականը՝ բնագիտութիւն եւ ուսողութիւն առարկաներէն:
Ողիմպիականին մասնակցող թեհրանահայ 5 աշակերտներէն` Սաթենիկ Շահիջանեան, Մենուա Իսկանդարեան եւ Ադենա Հայրապետեան յաջորդաբար արժանացած են առաջին, երկրորդ եւ երրորդ կարգի վկայագիրներու, իսկ Մինէ Նազարեան յաղթող ճանչցուած է մտաւոր խաղին եւ ստացած շնորհակալագիր:
