Երէկ Հանրապետութեան նախագահի նստավայրին մէջ նախագահ Արմէն Սարգսեանի ներկայութեամբ տեղի ունեցած է ՀՀ Լոռիի մարզի առաջին ատեանի ընդհանուր իրաւասութեան դատարանի դատաւոր Արամ Մկրտչեանի, ՀՀ Գեղարքունիքի մարզի առաջին ատեանի ընդհանուր իրաւասութեան դատարանի դատաւոր Արմիտա Ոսկանեանի եւ ՀՀ Շիրակի մարզի առաջին ատեանի ընդհանուր իրաւասութեան դատարանի դատաւոր Իւան Բաղմանեանի երդման արարողութիւնը։
Ինչպէս կը փոխանցէ «Արմէնփրես»-ը, ՀՀ նախագահի գրասենեակէն կը տեղեկացնեն, որ նախագահ Արմէն Սարգսեան շնորհաւորած է նորանշանակ դատաւորները եւ յաջողութիւն մաղթած իրենց պատասխանատու աշխատանքին մէջ:
