Ջերմուկ քաղաքին մէջ, ՀՀ վարչապետ Նիկոլ Փաշինեանի նախաձեռնութեամբ, Ամուլսարի հանքը շահագործող «Լիդիան Արմէնիա» ընկերութեան եւ շահագործման դէմ բողոքող քաղաքացիներու հանդիպման ընթացքին կողմերը չյաջողեցան ընդհանուր յայտարարի գալ:
ՀՀ վարչապետը, ըստ Armenpress.am-ի, կ՝առաջարկէր ժամանակ տրամադրել կառավարութեան ստուգումներ իրականացնելու համար, որմէ ետք արդէն հանքի շահագործումը կա՛մ պիտի վերսկսի, կամ այլ որոշում մը պիտի կայացուի՝ կախուած արդիւնքներէն: Սակայն ցուցարարները կը պնդէին, որ այդ ընթացքին հանքը պէտք չէ շահագործուի. «Լիդիան Արմէնիա» ընկերութեան ներկայացուցիչները անընդունելի համարեցին այս տարբերակը: Հանդիպումը աւարատեցաւ առանց որեւէ համաձայնութեան, ցուցարարները յայտնեցին, որ պիտի շարունակեն ցոյցերը:
