ՀՀ Կեդրոնական դրամատան Դիլիջանի ուսումնահետազօտական կեդրոնին մէջ վարչապետ Նիկոլ Փաշինեանին եւ կառավարութեան անդամներուն ներկայացուած են ԿԴ-էն կողմէ իրականացուած շարք մը ուսումնասիրութիւններ տնտեսական աճի կանխատեսումին, դրամավարկային քաղաքականութեան հիմնական ուղղութիւններուն, ինչպէս նաեւ ֆինանսական կայունութեան հեռանկարներուն, հարկային բարեփոխումներուն եւ անոնց մանրատնտեսական հետեւանքներուն ու պետական կառավարման համակարգի բարեփոխումներուն վերաբերեալ։ Այս մասին, ինչպէս կը փոխանցէ «Արմէնփրես»-ը, կը տեղեկացնեն ՀՀ կառավարութեան տեղեկատուութեան եւ հասարակայնութեան հետ կապերու վարչութենէն:
Այնուհետեւ վարչապետը շրջայց կատարած է ուսումնահետազօտական կեդրոնը, ծանօթացած է այդտեղ ստեղծուած աշխատանքային պայմաններուն եւ կեդրոնի գործունէութեան:
