Հայկական զինուած ուժերը պէտք է պատրաստ ըլլան իրադարձութիւններու զարգացման որեւէ դրութեան: Այս մասին նշեց ՀՀ վարչապետ Նիկոլ Փաշինեան՝ անդրադառնալով Ազրպէյճանի կողմէ ռազմամթերային եւ կենդանի զինուժի կուտակումներուն ու տեղաշարժին եւ ծրագրուած լայնամաշտաբ զօրավարժութիւններուն:
«Զօրավարժութիւններ են տեղի ունենալու: Ես կարծում եմ, որ Հայաստանի զինուած ուժերը պէտք է պատրաստ լինեն իրադարձութիւնների զարգացման ցանկացած սցենարի, եւ իմ հրամանը զինուած ուժերին հենց դա է»,- «Արմէնփրես»-ի հաղորդմամբ ըսաւ Փաշինեան:
Արցախի եւ Ազրպէյճանի շփման գիծին վրայ անցած շաբթուան ընթացքին դարձեալ դիտարկուած են ազրպէյճանական սպառազինութեան եւ ռազմամթերքի տեղաշարժեր, իսկ արեւելեան ուղղութեամբ նկատուած է նաեւ ականորսիչ սարքաւորում: Բացի անկէ, Ազրպէյճանը յայտարարած է, որ Յուլիս 2-6-ը լայնամաշտաբ զօրավարժութիւններ պիտի իրականացնէ, ուր պիտի ներգրաւուի մինչեւ 20 հազար զինծառայող:
