Շաբաթ, 13. 07. 2024

spot_img

«Սուրիահայ Երիտասարդներու Պայծառ Ապագայ» Ծրագիրը Կ’աջակցի Սուրիահայ Ճարտարապետներուն

Եկեղեցիներու համաշխարհային խորհուրդի հայաստանեան միջեկեղեցական բարեգործական Կլոր սեղան հիմնադրամի եւ «Հալէպ» հայրենակցակական բարեսիրական հասարակական կազմակերպութեան համագործակցութեան շնորհիւ շուրջ երկու ամիսէ «Սուրիահայ երիտասարդներու պայծառ ապագայ» ծրագիրի ծիրէն ներս մեկնարկած է սուրիահայ երիտասարդ ճարտարապետներու համար անվճար համակարգչային դասընթացքներ:

Հանրաճանաչ 3dMax եւ Photoshop ծրագիրներու դասընթացները պիտի օգնեն երիտասարդ ճարտարապետներուն եւ ձեւաւորողներուն ի կատար ածել իրենց երեւակայութեան համապատասխան պատկերներն ու նախագիծերը, ինչպէս նաեւ նախագծել եւ ձեւաւորել տարատեսակ կառոյցներ: Դասընթացքի աւարտէն ետք մասնակիցներուն պիտի տրուին հաւաստագիրեր:

Դասընթացքները կ’իրականացնէ Skillshop կազմակերպութիւնը, որուն հիմնադիր Արեգ Քեշիշեանը նոյնպէս Հայաստան  տեղափոխուած է Սուրիայէն: Ան արդէն տարիներ շարունակ կը դասաւանդէ սուրիահայ եւ տեղաբնակ երիտասարդներու եւ քաջատեղեակ է անոնց հիմնախնդիրներուն եւ կարիքներուն մասին:

Դասընթացի սուրիահայ մասնակից Գարլոսը կ՛ուսանի Հայաստանի պետական ճարտարագիտական համալսարանին մէջ: Դեռ մանուկ հասակէն կ՛երազէր ճարտարապետ դառնալ: «Համալսարանին մէջ դասընթացները հետաքրքիր են, բայց հիմնականին մէջ տեսական գիտելիքներու տեսքով կը մատուցուին: Ցաւօք ժամանակակից համակարգչային ծրագիրները չեն դասաւանդուիր: «Սուրիահայ երիտասարդներու պայծառ ապագայ» ծրագիրի ծիրէն ներս 3dMax-ի դասընթացի կը յաճախեմ, որուն դրական ազդեցութիւնն ակնյայտ է»,- նշեց ան:

Դասընթացի մասնակից Սէրլին նոյնպէս կիսուեցաւ դասընթացի մասին իր տպաւորութիւններով: «Միշտ սիրած եմ արուեստը եւ երազած եմ նկարչուհի դառնալ: Այժմ կ՛ուսանիմ ձեւաւորման բաժանմունքին մէջ: Photoshop ծրագիրի առաջին երկու հանդիպումները բարդ էին, սակայն շուտով յարմարեցայ: Այժմ կը սորվինք թէ ինչպէս զանազան պատկերներ համատեղել, փոխել նկարներու գունային կամմաները: Ձեւաւորողի համար այս գիտելիքները շատ օգտակար են»,- նշեց ան:

Յիշեցնենք` «Սուրիահայ երիտասարդներու պայծառ ապագայ» ծրագիրին նպատակն է սուրիական հակամարտութեան հետեւանքով Հայաստան ապաստանած սուրիահայ երիտասարդներուն տրամադրել նոր գիտելիքներ եւ հմտութիւններ` նպաստելով անոնց զարգացման եւ հայաստանեան քաղաքացիական կեանքին մէջ ինքնաիրացման:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին