Ալպանիոյ մայրաքաղաք Տիրանայի մէջ աւարտած է Սեւծովեան տնտեսական համագործակցութեան խորհրդարանական վեհաժողովի 51-րդ նստաշրջանի աշխատանքը, որուն մասնակցած է ՀՀ ԱԺ նախագահի տեղակալ Էդուարդ Շարմազանովի գլխաւորած պատուիրակութիւնը: Այս մասին, ինչպէս կը փոխանցէ «Արմէնփրես»-ը, կը տեղեկացնեն ՀՀ ԱԺ լրատուութեան եւ հանրային կապերու վարչութենէն:
Նստաշրջանի աւարտին Ալպանիայէն կառոյցի նախագահութիւնը փոխանցուած է Հայաստանի Հանրապետութեան: Խորհրդանշական մուրճը յանձնուած է պատուիրակութեան ղեկավարին:
Յիշեցնենք, որ ՀՀ ԱԺ պատուիրակութեան կը կազմեն ՍԾՏՀ ԽՎ-ի մէջ ՀՀ ԱԺ պատուիրակութեան ղեկավար Գագիկ Մինասեանը, Գէորգ Գորգիսեանը եւ Վահէ Էնֆիաճեանը:
