Աշխատանքային այցով Ռուսաստանի Դաշնութիւն գտնուող վարչապետ Նիկոլ Փաշինեան եւ տիկին Աննա Յակոբեան Կարմիր հրապարակին մէջ ներկայ գտնուած են ֆութպոլի Աշխարհի առաջնութեան նուիրուած կալա-համերգին: Այս մասին, ինչպէս կը փոխանցէ «Արմէնփրես»-ը, կը տեղեկացնեն ՀՀ կառավարութեան տեղեկատուութեան եւ հասարակայնութեան հետ կապերու վարչութենէն:
Միջոցառումին ներկայ եղած են նաեւ ՌԴ նախագահ Վլատիմիր Փութին եւ շարք մը այլ պետութիւններու նախագահներ ու կառավարութիւններու ղեկավարներ, որոնք ժամանած են Մոսկուա՝ ֆութպոլի Աշխարհի առաջնութեան բացման հանդիսաւոր արարողութեան ներկայ գտնուելու նպատակով: Համերգի ընթացքին ելոյթներով հանդէս եկած են օփերային թատրոնի համաշխարհային աստղեր:
