Հայաստանի Հանրապետութեան վարչապետ Նիկոլ Փաշինեանի՝ Ռուսաստան կատարելիք այցի ծիրէն ներս Ազրպէյճանի նախագահ Իլհամ Ալիեւի հետ հանդիպում նախատեսուած չէ: Այս մասին «Արմէնփրես»-ի հետ զրոյցի ընթացքին նշեց ՀՀ վարչապետի մամուլի քարտուղար Արմէն Եղոյեանը։
«Օրակարգէն կրնամ ըսել, որ նախատեսուած է ՀՀ վարչապետ Նիկոլ Փաշինեանի եւ ՌԴ նախագահ Վլատիմիր Փութինի հանդիպումը: Նիկոլ Փաշինեանը ներկայ պիտի ըլլայ ֆութպոլի աշխարհի առաջնութեան բացման արարողութեան: Իլհամ Ալիեւի հետ հանդիպում նախատեսուած չէ»,- ըսաւ Արմէն Եղոյեանը:
Յայտնի դարձած է, որ Մոսկուայի մէջ ֆութպոլի աշխարհի գաւաթի խաղարկութեան բացման արարողութեան առաջին անգամ միաժամանակ կը մասնակցին Հայաստանի նոր վարչապետը եւ Ազրպէյճանի նախագահը:
