Յունիսի 11-ին Մայր Աթոռ Սուրբ Էջմիածնում, նախագահութեամբ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի, տեղի ունեցաւ Մայր Աթոռում պաշտօնավարող եպիսկոպոսների, հայաստանեան թեմերի առաջնորդների եւ առաջնորդական տեղապահների ժողով:
Ժողովի ընթացքում անդրադարձ կատարուեց Յունիսի 10-ին Երեւանի Ս. Գրիգոր Լուսաւորիչ մայր եկեղեցում յընթացս Սուրբ Պատարագի տեղի ունեցած միջադէպին:
Յիշեալ հարցի վերաբերեալ արձանագրուեց. «Մեր ցաւն ու վրդովմունքն ենք արտայայտում Երեւանի Սուրբ Գրիգոր Լուսաւորիչ եկեղեցում մի խումբ անձանց կողմից իրականացրած անընդունելի գործողութիւնների համար, որոնք խստօրէն դատապարտելի են` անկախ շարժառիթներից: Արդարացում չունի որեւէ քայլ, որը խաթարում է հոգեւոր միջավայրի աղօթական անդորրը եւ վիրաւորում հաւատացեալների կրօնական զգացումները»:
Ժողովը նաեւ որոշեց շարունակել բոլոր միջոցները գործադրել՝ հնարաւորութիւն ընձեռելու նախաձեռնութեան անդամներին վերադառնալ կանոնական դաշտ:
