Կիրակի, 21. 07. 2024

spot_img

Չեխիոյ Հեռատեսիլի Եթերով Արցախի Մասին Վաւերագրական Նոր Շարժանկար Ցուցադրուած Է

Չեխական «CT2» հեռատեսիլի ալիքը Մայիս 22-ին վաւերագրական նոր շարժանկար մը  ցուցադրած է Արցախի մասին։ Այս մասին կը հաղորդէ «Artsakhpress.am»-ը։

«Եօթը աստղ Լեռնային Ղարաբաղի երկնքին» (Sedm hvezd nad Nոhornվm Karabachem) 52-վայրկեան երկարութեամբ շարժանկարի հեղինակներ Մարթին Մահտալը (Martin Mahdal, բեմադրիչ) եւ Մարգէթա Ատամցովան (Marketa Adamcova, արտադրող) կը պատմեն իրենց՝ Արցախ կատարած ճամբորդութեան մասին։ Վաւերագիրները նպատակադրած էին  չեխ հանդիսատեսին ցոյց տալ, թէ ինչպէս կ’ապրի ազատագրական պայքարի միջոցով անկախութիւն ձեռք բերած, միջազգայնօրէն չճանչցուած, սակայն ժողովրդավարական պետականութեան բոլոր տարրերը կերտած Արցախի Հանրապետութեան ժողովուրդը։

Ըստ հեղինակներուն՝ Լեռնային Ղարաբաղը վայր մըն է, որ պարուրուած է բազմաթիւ առասպելներով, երկիր մըն է, որ միահիւսուած է կախարդական պատմութիւններու հետ, տեղ մը, որ լի է գեղեցիկ տեսարաններով եւ, ամենակարեւորը՝ բարի մարդոցմով:

Շարժանկարին մէջ ցուցադրուած են բազմաթիւ հարցազրոյցներ տեղաբնակներու, ինչպէս նաեւ Արցախ այցելած չեխ քաղաքագէտ Տոմաշ Շմիդի հետ։ Հանդիսատեսը հնարաւորութիւն ունի տեսնելու, որ, չնայած գրեթէ 30 տարի շարունակուող ազատութեան համար պայքարի դժուարութիւններուն, արցախցիները պահպանել իրենց հպարտութիւնն ու հայրենասիրութիւնը։

«Եօթը աստղ Լեռնային Ղարաբաղի երկնքին» վաւերագրականը շարժանկարը չափազանց գունեղ է, իրական, բարի եւ մարդկային, անիկա յիրաւի կարելի է Արցախի այցեքարտ համարել։ Ատոր մասին կը վկայեն չեխ հանդիսատեսի բազմաթիւ դրական արձագանգները եւ այն հանգամանքը, որ Չեխական հանրային հեռուստատեսութիւնը անիկա եւս երկու անգամ ցուցադրեց իր եթերով՝ Մայիս 24-ին եւ 28-ին։

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին