ՀՀ սփիւռքի նախարարութեան մէջ մեկնարկած համահայկական 9-րդ համաժողովին այս տարի կը մասնակցին լրատուամիջոցներու ներկայացուցիչներ Հայաստանէն ու Արցախէն, ինչպէս նաեւ 70 երկրէ ժամանած սփիւռքահայ լրագրողներ: Համաժողովի մասնակիցները պիտի քննարկեն բազմաթիւ թեմաներ` Հայաստանի առաջին հանրապետութեան լրագրութենէն մինչեւ լրատուամիջոցներուն մէջ հայաստանեան վերջին իրադարձութիւններու արձագանգներն ու անոնց մէջ լրագրողներու դերը:
Երկօրեայ համաժողովի ընթացքին նախատեսուած է նաեւ «Արմէնփրես» պետական լրատուական գործակալութեան գլխաւոր խմբագիր Նարինէ Նազարեանի «Առաջին հանրապետութեան տարեկիցը. Անցեալի, ներկայի եւ ապագայի լրատուամիջոց. Արմէնփրես 100» խորագրով զեկոյցը:
