Երկուշաբթի, 22. 07. 2024

spot_img

Ծնողներու Նուիրուած Իւրայատուկ Ձեռնարկներ Մեսրոպեանի Մէջ

Հայ կաթողիկէ Մեսրոպեան բարձրագոյն վարժարանի նախակրթարանի բաժինը այս տարի շատ իւրայատուկ կերպով նշեց Մայրերու Օրը, որ, ըստ էութեան, տարածուեցաւ բազմաթիւ օրերու վրայ եւ ընդգրկեց զանազան ձեռնարկներ:

Հիմնական իւրայատկութիւնը այն էր, որ բոլոր ձեռնարկներուն ալ ապահովուած էր մայրերու մասնակցութիւնը` իրենց զաւակներուն կողքին: Այսպէս, նախակրթարանի բաժանմունքին կազմակերպութեամբ տարբեր օրերու ընթացքին տեղի ունեցան խաչբառի, ֆրանսերէնի եւ կրօնագիտական զարգացման մրցումներ, ինչպէս նաեւ ծաղիկներու յարդարման, պտուղի աղցանի ու կարկանդակի պատրաստութեան պահեր:

Սոյն ձեռարկները ի մի բերին մեր աշակերտներն ու ծնողները՝ խանդավառութիւն ստեղծելով բոլորին մօտ:

dav

Այս բոլորին նախորդած էր «Սիրելի Հայրիկ, Լաւագոյն Մարզիկ» մարզական օրը, այս անգամ մանկապարտէզին մէջ: Օրուան հերոսները եղան մանկապարտէզի աշակերտներն ու անոնց հայրերը. «Սիրելի Հայրիկ – Լաւագոյն Մարզիկ» միջոցառումը գեղեցիկ առիթ մը եղաւ մէկտեղելու մեսրոպեանական փոքրիկներն ու անոնց ծնողները ուրախ եւ խանդավառ մթնոլորտի մը մէջ: Հայր ու զաւակ մէկ խումբ կազմած մրցակցեցան իրարու հետ մարզական տարբեր խաղերու մէջ, որոնց արդիւնքով լաւագոյնները ստացան բաժակներ, իսկ բոլորը՝ մասնակցութեան նշաններ: Խաղերուն ներկայ եղան նաեւ մայրերը՝ քաջալերելու համար իրենց ընտանեկան խումբերը:

 Տեղեկատուական գրասենեակ
Հայ Կաթողիկէ Մեսրոպեան Բարձրագոյն Վարժարանի

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին