ՀՀ վարչապետ Նիկոլ Փաշինեանի պատկերացումով՝ խորհրդարանական արտահերթ ընտրութիւնները պէտք է տեղի ունենան աշնան:
«Արմէնփրես»-ի փոխանցումով՝ Մայիս 23-ին լրագրողներու հետ ճեպազրոյցի ընթացքին ան նշեց, որ այդ ուղղութեամբ քննարկումներ հաւանական են քաղաքական այլ ուժերու հետ:
«Մեր պատկերացումն է արտահերթ ընտրութիւններն անցկացնել աշնան, բայց դա պէտք է փորձենք համադրել այլ քաղաքական ուժերի պատկերացումների հետ եւ փորձել դուրս բերել ընդհանուր լուծումներ: Այդ ուղղութեամբ քննարկումներ, ի հարկէ, հնարաւոր են»,- ըսաւ Նիկոլ Փաշինեան:
Նիկոլ Փաշինեան մինչեւ վարչապետ դառնալը եւ նոյնիսկ անկէ ետք բազմիցս յայտարարած է, որ խորհրդարանական արդար եւ թափանցիկ արտահերթ ընտրութուններու իրականացումը իրենց առաջնահերթութիւններէն է:
