Ինչպէս ծանօթ է, 2014-2015 տարեշրջանին Հայ կաթողիկէ Մեսրոպեան բարձրագոյն վարժարանը սկիզբ դրած էր DELF քննութիւններու մասնակցութեան: Սոյն քննութիւններով աշակերտները կը պատրաստուին Ֆրանսայի եւ ֆրանսախօս երկիրներու մէջ դիւրացուած կարգով համալսարաններ ընդունելութեան:
Այս տարեշրջանին Մեսրոպեան վարժարանի 2-րդ, 4-րդ, 6-րդ եւ 8-րդ դասարաններու բոլոր աշակերտները անխտիր (թիւով 108) յաջողեցան DELF ընթացիկ քննութիւններուն A1, A2 եւ B1 կարգերուն մէջ, որոնց մեծ մասը՝ գերազանց գնահատականներով:
Այս առիթով կայացած հաւաքին, վարժարանի տնօրէն Պրն. Կրէկուար Գալուստ շնորհաւորեց աշակերտներուն յաջողութիւնը եւ գնահատեց ուսուցիչներուն ներդրումը: Պարոն տնօրէնը յայտնեց, որ Մեսրոպեանի մէջ պիտի ամբողջանայ DELF քննութիւններու մասնակցութեան ծրագիրը, այնպէս, որ աւարտական դասարանի աշակերտները պատրաստուին DELF B2-ին: Այդպիսով անոնք կրնան մուտք գործել ֆրանսական եւ ֆրանսախօս երկիրներու համալսարաններ՝ առանց ֆրանսերէնի մուտքի քննութեան:
Տեղեկատուական գրասենեակ
Հայ Կաթողիկէ Մեսրոպեան Բարձրագոյն Վարժարանի
