Արարատի մարզի Արարատ գիւղին մէջ Մայիս 20-ի երեկոյեան սպարապետ Վազգէն Սարգսեանի եւ ՀՀ Ազգային ժողովի «Ելք» խմբակցութեան պատգամաւոր Արամ Սարգսեանի մօր՝ Կրեթթա Սարգսեանի հոգեհանգիստն էր։
Կրեթթա Սարգսեանին, որուն ժողովուրդը Կրեթթա մայրիկ կ’անուանէ, վերջին հրաժեշտը տալու եկած էին ընտանիքի բարեկամները, ընկերները, ներկայ եւ նախկին իշխանութիւններու ներկայացուցիչներ:
Կրեթթա Սարգսեանը 81 տարեկան էր: Մահացաւ երկարատեւ հիւանդութենէ ետք, ան ատենին նաեւ ուղեղի կաթուած ունեցած է:
Ինչպէս կը փոխանցէ «Արմէնփրես»-ը, «Շանթ» հեռուստաընկերութեան նորութիւններու կայքէն կը տեղեկանցեն, որ Արարատ գիւղին մէջ սպարապետի տունը եղած են ՀՀ նախագահ Արմէն Սարգսեան, Ամենայն Հայոց Գարեգին Բ. կաթողիկոսը, պաշտպանութեան եւ արտակարգ իրավիճակներու նախարարութեան ներկայացուցիչները:
«1in.am»-ի տեղեկացումով՝ Կրեթթա մայրիկի հոգեհանգիստի արարողութեան ներկայ էր նաեւ ՀՀ վարչապետ Նիկոլ Փաշինեան՝ տիկնոջ հետ: Ան իր ցաւակցութիւնը յայտնած է Կրեթթա մայրիկի որդիներուն՝ Արամ եւ Արմէն Սարգսեաններուն եւ խոնարհելով իր յարգանքի տուրքը մատուցած է Կրեթթա մայրիկին:
Կրեթթա Սարգսեանի յուղարկաւորութիւնը տեղի կ’ունենայ այսօր՝ Մայիս 21-ին՝ ժամը 14:00-ին, Արարատ գիւղի Սուրբ Յակոբ եկեղեցւոյ մէջ:
