Գործադիրի երէկուան նիստին հաստատուեցաւ «Ռազմատեխնիկական գիտահետազօտական ինստիտուտ (հիմնարկ)» պետական ոչ առեւտրային կազմակերպութիւն ստեղծելու մասին կառավարութեան որոշման նախագիծը:
Պաշտպանութեան փոխնախարար Դաւիթ Փախչանեան ներկայացնելով նախագիծը նշեց, որ կը նախատեսուի ՀՀ ՊՆ-ի ենթակայութեամբ ստեղծել Ռազմատեխնիկական գիտահետազօտական հիմնարկ, որուն նպատակը պիտի ըլլայ ապահովել գիտատեխնիկական մշակումներու խնդիրներու իրականացումը եւ հայրենական արտադրութեան ռազմական նշանակութեան արտադրանքի արտաքին շուկաներու մէջ իրացնելու նախադրեալներու ստեղծումը:
Լուսաբանական հարց-պատասխանէ ետք Փաշինեան նշեց, որ փաստօրէն ասով պիտի ստեղծուի ռազմաարդիւնաբերական համալիրի ուղեղային կեդրոն, որ պիտի որոշէ առաջնահերթութիւնները, կարիքները եւ պիտի ձեւակերպէ այն պահանջարկը, որ երկարաժամկէտ ու կարճաժամկէտ առումով ունինք:
