Ազրպէյճանի կողմէ Հայաստանի Հանրապետութեան սահմանը ապօրինի անցնելու փորձ կատարած անձերը Պանկլատեշի քաղաքացիներ են: Ինչպէս կը հաղորդէ «Արմէնփրես»-ը, այս մասին պաշտպանութեան նախարարութեան մէջ մամլոյ ասուլիսի ժամանակ ըսաւ ՀՀ պաշտպանութեան նախարարի պաշտօնակատար Վիգէն Սարգսեանը:
«Դիրքապահները սահմանային ռեժիմը խախտելու պահուն յաջողած են վնասազերծել 6 պանկլատեշցիներէ բաղկացած խումբը: Դիրքապահները համապատասխան աշխատանք կատարելու համար զանոնք փոխանցած են Ազգային անվտանգութեան ծառայութիւն»,- ըսաւ Վիգէն Սարգսեանը:
Հայաստան-Ազրպէյճան սահմանը խախտելու փորձի ժամանակ Մայիս 7-ի լոյս 8-ի գիշերը հայ դիրքապահներու կողմէ ձերբակալուած է օտարերկրացի վեց անձ: Օտարերկրացիները փորձած են Ազրպէյճանի կողմէ սահմանը ապօրինի հատելով անցնիլ ՀՀ տարածք:
