Ազգային ժողովին մէջ Մայիս 3-ին՝ ժամը 16:00-ի դրութեամբ վարչապետի թեկնածու առաջադրուած է Նիկոլ Փաշինեանը: Թեկնածութիւնը առաջադրուած է ՀՀ ԱԺ պատգամաւորներու ընդհանուր թիւի աւելի քան մէկ երրորդին կողմէ: Այս մասին «Արմէնփրես»-ին տեղեկացուցին ՀՀ ԱԺ հանրային կապերու վարչութենէն:
Յիշեցնենք, որ Մայիս 1-ի յատուկ նիստին ՀՀ Ազգային ժողովը վարչապետ չընտրեց, իսկ «ԱԺ կանոնակարգ» ՀՀ սահմանադրական օրէնքին համաձայն՝ վարչապետ չընտրուելու բերումով քուէարկութենէն եօթը օր ետք տեղի պիտի ունենայ վարչապետի նոր ընտրութիւն, որուն մասնակցելու իրաւունք ունին պատգամաւորներու ընդհանուր թիւի առնուազն մէկ երրորդի առաջադրած վարչապետի թեկնածուները:
