Հինգշաբթի, 25. 07. 2024

spot_img

Ս. Խաչ-Հարպոյեան Վարժարանի 25 Աշակերտներ Կը Ստանան Իրենց Առաջին Սուրբ Հաղորդութիւնը

Կիրակի, 29 Ապրիլ 2018-ին Ս. Խաչ եկեղեցւոյ մէջ տեղի ունեցաւ Հայ կաթողիկէ Ս. Խաչ-Հարպոյեան Բարձրագոյն Վարժարանի աշակերտներու Առաջին Ս. Հաղորդութեան արարողութիւնը: Ս. Պատարագի աւարտին 3-րդ կարգի 25 աշակերտներ ստացան իրենց Առաջին Սուրբ Հաղորդութիւնը՝ ձեռամբ գերապայծառ Հայր Գաբրիէլ Թ. Ծ. Վ. Մուրատեանի։

Իր քարոզին մէջ գերապայծառ Մուրատեան ըսաւ. «Ի՞նչ կը նշանակէ Առաջին հաղորդութիւն ընել: Անիկա կը նշանակէ միասնական ըլլալ, առանձնութենէ դուրս գալ սեփական փակուղիներէն, եսասիրութենէն եւ շփման մէջ մտնել ուրիշներու հետ, կիսել ինչ որ ունինք, որպէսզի բոլորը կարենան ուրախութեան մասնակից դառնալ՝ դուրս գալով իրենց տառապանքէն եւ կարողանանք ապրիլ մէկ ընտանիքի նման՝ մենք մեզի լաւը ցանկալով»:

Գերապայծառը իր քարոզի աւարտին ըսաւ. «Ես այսօր ձեզի եւ ձեր ծնողներուն կոչ կ’ուղղեմ ըլլալու առատաձեռն եւ հիւրասէր, դուք ձեզ համերաշխութեամբ եւ անմնացորդ սիրով նուիրելու ուղղութեամբ դաստիարակեցէ’ք: Դո՛ւք, ծնողներ, ձեր երեխաներուն հաւատքի ճանապարհին առաջնորդելու պարտականութիւնը լրջօրէն ստանձնեցէ՛ք: Զիրենք առաջնորդեցէ՛ք յատկապէս Սուրբ Պատարագին. հոն կը սորվին իսկական քրիստոնեաներ ըլլալ, ազնիւ եւ ճշմարտասէր մարդիկ դառնալ: Մի՛ կերակրէք եւ սնուցանէ՛ք իրենց մարմինը միայն եւ ոչ ալ անոնց խելքը: Կարեւորութիւն ընծայեցէ՛ք նաեւ հոգեւոր կեանքին, որպէսզի երբեք չպատահի, որ անոնք ամէն ինչով հարուստ ըլլան, սակայն Աստուծմով աղքատ եւ խղճով դատարկ»: 

Արարողութենէն ետք Ս. Խաչ եկեղեցւոյ «Պետողլեան» սրահին մէջ տեղի ունեցաւ կարկանդակի հատում եւ հիւրասիրութիւն՝ Առաջին Ս. Հաղորդութիւն ստացած աշակերտներուն եւ ծնողներուն ի պատիւ։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին