ՀՀ վարչապետի լիազօրութիւններու կատարման անկարելիութեան պարագային վարչապետին կը փոխարինէ առաջին փոխվարչապետը: Ապրիլ 23-ին տեղի ունեցաւ ՀՀ կառավարութեան արտահերթ նիստ, որ վարեց առաջին փոխվարչապետ Կարէն Կարապետեանը: Ինչպէս կը հաղորդէ «Արմէնփրես»-ը՝ վկայակոչելով ՀՀ կառավարութեան պաշտօնական կայքը, հաղորդագրութեան մէջ կը նշուի.
«Արտահերթ նիստին՝ համաձայն «Կառավարութեան կառուցուածքի եւ գործունէութեան մասին» Հայաստանի Հանրապետութեան օրէնքի 7-րդ յօդուածի 14-րդ մասի եւ հիմք ընդունելով Հայաստանի Հանրապետութեան վարչապետ Սերժ Սարգսեանի յայտարարութիւնը՝ փաստեց վարչապետի կողմէ իր լիազօրութիւններու կատարման անկարելիութիւնը:
Հայաստանի Հանրապետութեան վարչապետի 2018 թուականի Ապրիլ 21-ի՝ «Վարչապետի բացակայութեան եւ լիազօրութիւններու կատարման անկարելիութեան պարագաներուն վարչապետին փոխարինելու կարգը սահմանելու մասին» N 412-Լ որոշման յաւելուածի 5-րդ կէտի համաձայն՝ վարչապետի լիազօրութիւններու կատարման անկարելիութեան պարագային վարչապետին կը փոխարինէ առաջին փոխվարչապետը»:
