Յառաջիկայ Մայիս 6-ի Երեսփոխանական ընտրութիւններու կազմակերպումին ծիրէն ներս Թէքէեան Կեդրոնի մէջ տեղի ունեցաւ համակարգումի ժողով մը Պէյրութի Ա. ընտրաշրջանի ընտրապայքարին նուիրուած: ՌԱԿ Ընտրական Գերագոյն Մարմնի անդամներուն կողքին ժողովին ներկայ եղան նաեւ ՌԱԿ Լիբանանի Շրջանային Վարչութեան կարգ մը անդամներ եւ Պէյրութի Ա. ընտրաշրջանի ՌԱԿ-ի երկու թեկնածուները:
Որոշուեցաւ աշխատանքները բազմապատկել ու համակարգել հասնելու համար լաւագոյն արդիւնքներու յօգուտ ՌԱԿ-ին:
Մեթնի ընտրատարածքի ընտրութիւններու գծով համապատասխան մարմինը իր ժողովը պիտի գումարէ յաջորդիւ, ներկայութեամբ ՌԱԿ-ի Մեթնի թեկնածուին:
