Պոսթընի հայ համայնքը նախատեսած է Հայոց Ցեղասպանութեան 103-րդ տարելիցին նուիրուած շարք մը ձեռնարկներ իրականացնել:
Ըստ News.am-ի՝ Ապրիլ 21-ին, Պոսթընի հայկական ժառանգութեան պուրակին մէջ տեղի պիտի ունենայ ձեռնարկ, որուն ընթացքին ելոյթով հանդէս պիտի գայ Մասաչուսէթսի Քոնկրէսի անդամ Տէյվիտ Մուրատեանը եւ Armenian Weekly–ի գլխաւոր խմբագիր Ռուբէն Ճանպազեանը։
Մինչեւ ձեռնարկի սկսիլը՝ երիտասարդական հայկական կազմակերպութիւններու ներկայացուցիչները Պոսթընի մէջ Թուրքիոյ գլխաւոր հիւպատոսութեան դիմաց բողոքի ցոյց պիտի իրականացնեն՝ ի նշան Հայոց Ցեղասպանութեան ժխտման։
Նախանշուած ձեռնարկներէն մէկ օր առաջ՝ Ապրիլ 20-ին, Մասաչուսէթս նահանգի Ներկայացուցիչներու պալատին մէջ տեղի պիտի ունենայ Հայոց Ցեղասպանութեան զոհերու յիշատակում եւ ոգեկոչում։
