ՀՀ կառավարութիւնը նախագահի լիազօրութիւններու աւարտէն ետք Սերժ Սարգսեանին օրէնքով սահմանուած երաշխիքներու տրամադրման վերաբերեալ որոշում կայացուց: «Արմէնփրես»-ի փոխանցմամբ, կը նախատեսուի ՀՀ նախագահի աշխատակազմի ենթակայութեան «Քոնտի առանձնատուներու տնտեսութիւն» ՊՈԱԿ-ի հաշուեկշիռին մէջ ամրացուած՝ 6-րդ մասնաշէնքի մէջ մտնող շէնքը եւ շինութիւնները սպասարկման տարածքով (1.5365 հա) ետ վերցնել եւ սեփականութեան իրաւունքով անհատոյց տրամադրել Սերժ Սարգսեանին՝ որպէս բնակարան:
ՀՀ աշխատանքի եւ ընկերային հարցերու նախարարին որոշումով, ՀՀ կառավարութեան աշխատակազմի ղեկավարին եւ Ազգային անվտանգութեան ծառայութեան տնօրէնին կը յանձնարարուի ապահովել օրէնքով սահմանուած մնացեալ երաշխիքներու տրամադրումը Սերժ Սարգսեանին նախագահի լիազօրութիւններու աւարտէն ետք՝ իր դիմումի հիման վրայ։
Սոյն որոշումը ի գործ պիտի դրուի 2018-ի Ապրիլ 9-էն:
