Այս տարի Արցախի մէջ առաջին անգամ ըլլլալով պիտի կազմակերպուին ասեղնագործութեան դասընթացքներ:
Այս մասին, ըստ «Artsakhpress.am»-ի, ըսած է ԱՀ մշակոյթի, երիտասարդութեան հարցերու եւ զբօսաշրջութեան նախարարութեան մշակութային ժառանգութեան եւ ժողովրդական արուեստներու բաժինի վարիչ Երազիկ Դանիէլեան՝ նշելով, որ դասընթացքներուն կրնան մասնակցիլ կարող բոլոր ցանկացողները՝ առանց տարիքային սահմափակման:
«Դասընթացքներու թեման պիտի ըլլայ արցախեան ասեղնագործութիւնը: Հայաստանի Հանրապետութենէն պիտի հրաւիրուին համապատասխան մասնագէտներ, քննարկումները ընթացքի մէջ են: Ասեղնագործութեան դասընթացքներուն առաջին օրը մասնագէտները հանդէս պիտի գան դասախօսութեամբ, որուն պիտի յաջորդեն գործնական աշխատանքները»,- նշած է Ե. Դանիէլեան:
