«Լոյս» հիմնադրամը, որուն շնորհիւ հայ երիտասարդներ կրնան կրթութիւն ստանալ աշխարհի լաւագոյն համալսարաններու մէջ, կրթաթոշակի ծրագիրի նոր կանոնակարգ ընդունած է՝ ռազմավարական փոփոխութիւններ իրականացնելով հիմնադրամի աշխատանքի մէջ:
Ըստ «ՓանԱրմինիըն»-ի՝ այսուհետեւ կրթաթոշակառուներուն պայման պիտի առաջադրուի ուսման աւարտէն ետք Հայաստան վերադառնալ:
2017 Յուլիսին «Լոյս»-էն օգտուողներու հետ հանդիպման ընթացքին նախագահ, «Լոյս» հիմնադրամի համահիմնադիր Սերժ Սարգսեան իր ելոյթին մէջ նշած էր, որ Հիմնադրամի աշխատանքի մէջ ռազմավարական փոփոխութիւններ իրականացնելու ժամանակն է:
Յայտարարութեան յաջորդած ամիսներուն «Լոյս»-ը ուսումնասիրած է 2009էն ի վեր իր բոլոր գործառնութիւնները: Կատարուած վերլուծութեանց հիման վրայ «Լոյս»-ի գիտական խորհուրդը որոշած է Կրթաթոշակի ծրագրի նոր կանոնակարգ: Ռազմավարական այս նոր մօտեցումը թոյլ կու տայ աւելի նպատակաուղղուած ծառայել Հայաստանի եւ ողջ Հայկական աշխարհի զարգացման:
Հիմանդրամը հաղորդագրութեամբ մը կը տեղեկացնէ հիմնական փոփոխութիւնները, որոնք կը վերաբերին՝
ա.- Կրթաթոշակառուներուն առաջադրուող պայմաններուն (օրինակ՝ այսուհետ կրթաթոշակառուներուն պայման է առաջադրուելու, ուսման աւարտէն ետք Հայաստան գալու եւ առնուազն երեք տարի այստեղ ապրելու/աշխատելու),
բ.- Հայաստանի եւ սփիւռքի երիտասարդներու համար նախատեսուած կրթաթոշակային տեղերու քանակային յարաբերակցութեան,
գ.- Տրամադրուող կրթաթոշակի հաշուարկման չափանիշներուն»:
