Մարտ 25-ին Առաքելական եւ Ուղղափառ Սուրբ Եկեղեցին տօնեց մեր Տիրոջ` Յիսուս Քրիստոսի փառաւոր մուտքը Երուսաղէմ, կամ՝ Ծաղկազարդը: Այս մասին կը հաղորդէ «Akhaltskha.net»-ը։
Ինչպէս Առաքելական բոլոր Եկեղեցիներուն մէջ, Ախալցխայի Սուրբ Գրիգոր Լուսաւորիչ Եկեղեցւոյ մէջ նոյնպէս մատուցուեցաւ սուրբ եւ անմահ պատարագ: Պատարագիչն էր Ախալցխայի եւ Բորժոմիի շրջաններու հոգեւոր տեսուչ Հոգեշնորհ Տէր Յակոբ աբեղայ Սահակեան, որ յաւուր պատշաճի մեկնեց օրուան խորհուրդը եւ շնորհաւորեց հաւատացեալները տօնին առիթով: Յաւարտ սուրբ Պատարագի՝ կատարուեցաւ նաեւ մանուկներու օրհնութեան կարգ:
Նոյն օրը, Ախալցխայի շրջանի Ծուղրութ գիւղի Սբ․Սիոն եկեղեցւոյ մէջ նոյնպէս մատուցուեցաւ սուրբ եւ անմահ Պատարագ: Պատարագիչն էր Ախալցխայի եւ յարակից շրջաններու հոգեւոր հովիւ` Արժանապատիւ Տէր Թորգոմ քահանան:
