Հինգշաբթի, 25. 07. 2024

spot_img

Նախագահ Բակօ Սահակեան Այցելած է ԱՄՆ-ի Մէջ ԱՀ Մշտական Ներկայացուցչութիւն եւ ՀՀ Դեսպանատուն

Արցախի Հանրապետութեան նախագահ Բակօ Սահակեան այցելած է Ուաշինկթընի մէջ Արցախի Հանրապետութեան մշտական ներկայացուցչութիւն եւ հանդիպում ունեցած աշխատակիցներուն հետ: Այս մասին կը յայտնեն Արցախի Հանրապետութեան նախագահի աշխատակազմի տեղեկատուութեան գլխաւոր վարչութենէն:

Հանդիպումին ընթացքին կողմերը քննարկած են կառոյցի աշխատանքներուն վերաբերող շարք մը հարցեր:

Նախագահը կարեւոր համարած է ԱՄՆ-ի հետ փոխգործակցութեան ընդլայնումն ու խորացումը` ընդգծելով, որ անոր համար ներկայացուցչութիւնը պէտք է շարունակէ իրականացնել ամէնօրեայ արհեստավարժ աշխատանք եւ յստակ յանձնարարականներ տայ այդ ուղղութեամբ:

Արցախի Հանրապետութեան նախագահ Բակօ Սահակեան Ուաշինկթընի մէջ նաեւ այցելած է Հայաստանի Հանրապետութեան դեսպանատուն, հանդիպած ԱՄՆ-ի մէջ ՀՀ արտակարգ եւ լիազօր դեսպան Գրիգոր Յովհաննիսեանի եւ դիւանագիտական անձնակազմի հետ:

Քննարկուած են ԱՄՆ-ի եւ հայկական երկու պետութիւններու փոխգործակցութեան վերաբերող շարք մը հարցեր:

Նախագահ Սահակեան կարեւոր համարած է Արցախի, Հայաստանի եւ Սփիւռքի սերտ համագործակցութիւնը` ընդգծելով, որ անիկա կը հանդիսանայ նախատեսուած ծրագիրներու յաջող իրականացման առանցքային գործօններէն մէկը:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին