Ասիական զարգացման բանկը (ԱԶԲ) 32 միլիոն տոլարի վարկային համաձայնագիր ստորագրեց «Սպայկա» ընկերութեան հետ: Վարկի նպատակն է օժանդակել ընկերութեան ջերմոցային գործառնութիւններու ընդլայնման եւ արտածման ծաւալներու մեծացման գործին: Ծրագիրով 30 հեքթար տարածքով ջերմոց պիտի կառուցուի լոլիկի եւ պուլկարական պղպեղի տարեկան արտադրութիւնը հասցնելով 10 միլիոն քիլոկրամի եւ 2 միլիոն քիլոկրամի՝ համապատասխանաբար:
Այս ծրագիրը թոյլ կու տայ ընդլայնել «Սպայկա» ընկերութեան գործունէութիւնը մասնաւորապէս գիւղատնտեսութեան եւ մատակարարման շղթայի կառավարման ոլորտներուն մէջ:
Արտադրանքը պիտի արտածուի մասնաւորապէս Ռուսիա եւ Արաբական Միացեալ Էմիրութիւններ:
Կ’ակնկալուի, որ այս ծրագիրին շնորհիւ ստեղծուին 275 նոր աշխատատեղիներ:
