ԼԻԼԻԹ ԱԲՈՎԵԱՆ
2017-ին Հայաստանի մէջ արձանագրուած է 7.5% տնտեսական աճ: Ի դէպ, ամենամեծ աճը արձանագրուած է 4-րդ եռամսեակին` 11.2%: 2016-ին արձանագրուած էր 0.2% տնտեսական աճ:
Ազգային վիճակագրական ծառայութիւնը հրապարակած է Հայաստանի Հանրապետութեան ընկերա-տնտեսական վիճակը Յունուար 2018-ի զեկոյցը, ուր ամփոփուած են 2017-ի որոշ ցուցանիշներ:
Սկսած 2015-էն` Ազգային վիճակագրական ծառայութիւնը ՀՆԱ-ի ցուցանիշը կը հաշուէ համաձայն «Ազգային հաշիւներու համակարգ 2008» (ԱՀՀ 2008) միջազգային չափանիշի, որով վերահաշուարկուած են 2012-2014-ի ցուցանիշները: Մինչ այդ եղած ցուցանիշները համադրելի չեն վերջիններուս հետ:
Այդուհանդերձ 2000-2014 թուականներուն ընթացքին ՀՆԱ-ի երկնիշ աճ արձանագրուած է 2004-2007 թուականներուն` 2007-ին հասնելով 13.7%-ի: Իսկ 2008-ի ֆինանսատնտեսական ճգնաժամէն ու 14.1% տնտեսական անկումէն ետք ամենամեծ աճը եղած էր 2012-ին` 7.2%:
2017-ին մէկ շունչի ՀՆԱ-ն կազմած է 1,873 միլիոն դրամ կամ 3 880 տոլար: Տոլարային արտայայտութեամբ մէկ շունչի ՀՆԱ-ն նախորդ տարուան նկատմամբ աճած է 10%-ով:
ՀՆԱ-ն 2017-ին կազմած է 5.58 թրիլիոն դրամ:
2017-ի պետական ամավարկի հիման վրայ կանխատեսուած է 3.2% տնտեսական աճ, իսկ արդէն 2018-ի ամավարկով կը նախատեսուի 4.3% տնտեսական աճ:
Արժոյթի միջազգային հիմնադրամը Հայաստանի մէջ 2017-ի համար կանխատեսած էր 3.5% տնտեսական աճ:
Սիվիլնեթ
