Ռուսիոյ եւ Իսրայէլի քաղաքացի էջատէր (blogger) Ալեքսանդր Լափշին ցուցադրած է Արցախի մէջ ծառայութեան մէջ գտնուող հայ զինուորի լուսանկարով իր շապիկը:
Էջատէրը լուսանկարը հրապարակած է ընկերային ցանցի վրայ՝ կոչ ընելով հետեւորդներուն գուշակել, թէ ո՛ր բանակի զինծառայող է պատկերուածը:
«Ընկերներ, ինչպիսի՞նն է իմ նոր շապիկը: Անիկա շատ յատուկ է: Ի՞նչ կը կարծէք, ո՞ր բանակի զինուորը պատկերուած է»,- գրած է Լափշին:
Օգտատէրերու մեծամասնութիւնը անմիջապէս նկատած են, որ լուսանկարին մէջ Արցախի մէջ ծառայող հայ զինուոր է, որուն լուսանկարը ապրիլեան պատերազմի օրերուն մեծ տարածում գտած էր համացանցի մէջ:
