«Հայաստան» համահայկական հիմնադրամին աջակցութեամբ՝ կրթաթոշակային (ուսման վարձի փոխհատուցում) մնայուն ֆոնտեր կը գործեն Երեւանի պետական համալսարանի (Գարալեան ֆոնտ) եւ Երեւանի պետական բժշկական համալսարանի (Փիրզադեան եւ Բազարեան ֆոնտ) ուսանողներու համար: Այս մասին կը տեղեկացնեն «Հայաստան» համահայկական հիմնադրամէն։
Կրթութիւնը դարձնելով հասանելի` հիմնադրամը կարեւոր կը համարէ անոր շարունակականութիւնն ու նիւթապէս կ’աջակցի ուսանողներուն։
Կրթաթոշակ ստանալ ցանկացողները պէտք է մասնակցին մտաւոր խաղ-մրցոյթին: Կրնան դիմել բոլոր համալսարաններու` բարձր առաջադիմութիւն, բայց նիւթական ցած հնարաւորութիւն ունեցող ուսանողները:
«Հայաստան» համահայկական հիմնադրամը պիտի վճարէ երկու յաղթողի մէկ տարուան ուսման վարձը: Մրցոյթը պիտի իրականացուի Օգոստոսի վերջը:
