Փետրուար 27-ին՝ ժամը 19:00-ին, «Արամ Խաչատրեան» համերգասրահին մէջ տեղի պիտի ունենայ Հայաստանի պետական ազգային ակադեմական երգչախումբին համերգը` նուիրուած Հայաստանի Հանրապետութեան եւ Մայիսեան հերոսամարտերու 100-ամեակին:
Ըստ ՀՀ մշակոյթի նախարարութեան փոխանցած տեղեկութիւններուն՝ համերգին ընթացքին ելոյթ պիտի ունենան մենակատարներ` Սարգիս Աղամալեանը (թենոր), Միքայէլ Գրիգորեան (թենոր), Անուշ Յարութիւնեան (մեցցօ-սոփրանօ):
Ծրագիրին ընթացքին պիտի հնչեն` հայ, ռուս եւ արեւմտաեւրոպական երգահաններու ստեղծագործութիւններ (Կոմիտաս, Ա. Պապաճանեան, Է. Յովհաննիսեան, Բ. Կանաչեան, Ա. Տիգրանեան, Հ. Օդաբաշեան, Պ. Չայքովսքի, Վ. Ա. Մոցարթ, Ճ. Վերտի, Հ. Պեռլիոզ, Շ. Կունօ, Գ. Փոլեթթի):
Համերգը պիտի ղեկավարէ ՀՀ Ազգային հերոս, ԽՍՀՄ ժողովրդական արուեստագէտ, Հայաստանի պետական ազգային ակադեմական երգչախումբի գեղարուեստական ղեկավար եւ գլխաւոր խմբավար Յովհաննէս Չէքիճեանը:
