Փետրուար 21-ին` ժամը 11:00-ին, ՀՀ սփիւռքի նախարար Հրանոյշ Յակոբեանի գլխաւորութեամբ այցելութիւն Օշական, ծաղկեպսակի խոնարհում Մեսրոպ Մաշտոցի շիրմին, Մայրենիին նուիրուած ձեռնարկ (լրագրողներուն տեղափոխող հանրակառքը կ’ուղեւորուի ժամը 10:00-ին, հասցէ` Վ. Սարգսեան 3): Այս մասին կը հաղորդէ ՀՀ սփիւռքի նախարարութեան մամուլի գրասենեակը։
Ժամը 14:00-ին ՀՀ սփիւռքի նախարարութեան եւ ՀՀ ԳԱԱ Հ. Աճառեանի անուան լեզուի հիմնարկի աջակցութեամբ ԳԱԱ գրականութեան հիմնարկի դահլիճին մէջ տեղի պիտի ունենայ 2016-2017 թուականներու Սփիւռքի նախարարութեան պատուէրով հրատարակուած արեւմտահայերէնին նուիրուած գիրքերու շնորհանդէս (հասցէ` Գ. Լուսաւորչի 15, 3.-րդ յարկ):
Ողջոյնի խօսքով հանդէս պիտի գան Սփիւռքի նախարար Հրանոյշ Յակոբեան, ԳԱԱ հայագիտութեան եւ հասարակական գիտութիւններու բաժանմունքի ակադեմիկոս քարտուղար Եուրի Սուվարեան, լեզուի հիմնարկի տնօրէն Վիկտոր Կատվալեան։
Ժամը 15:00-ին գրականութեան հիմնարկի դահլիճին մէջ տեղի պիտի ունենայ կլոր սեղան-քննարկում` նուիրուած արեւմտահայերէնի խնդիրներուն:
