Հայաստանի Հանրապետութեան նոր նախագահի նստավայրը Բաղրամեան 26-էն պիտի տեղափոխուի Մաշտոցի 47, վարչապետի նստավայրը պիտի ըլլայ Բաղրամեան 26-ի վրայ: Համապատասխան նախագիծը հրապարակուած է իրաւական ակտերու նախագիծերու միասնական կայքին մէջ:
«Հանրապետութեան նախագահի սպասարկումը» ենթաբաժինով կը նշուի հետեւեալը․
Հանրապետութեան նախագահին սպասարկման նպատակով կը տրամադրուին`
1) նստավայր Երեւանի մէջ (հասցէն` Մաշտոցի 47).
2) ծառայողական առանձնատուն Երեւանի մէջ` համապատասխան սպասարկումով (հասցէն` Ձորափի 74, 4-րդ մասնաշէնք).
3) պետական ամառանոց Սեւանի մէջ` ապահովուած համապատասխան գոյքով եւ սպասարկումով (հասցէն` քաղաք Սեւան, Հրազդան գետի 4-րդ փողոց թիւ 50, Սեւանի թերակղզիի պետական ամառանոցի 1-ին մասնաշէնք).
4) յատուկ նշանակութեան փոխադրամիջոց:
Հանրապետութեան նախագահի առողջական վիճակին հետեւելու նպատակով կ’առանձնացուի անձնական բժիշկ:
«Վարչապետի սպասարկում»-ը ենթաբաժինին տակ առկայ է հետեւեալ տեղեկատուութիւնը․
Վարչապետին սպասարկման նպատակով կը տրամադրուին`
1) նստավայր Երեւանի մէջ (հասցէն` Բաղրամեան 26).
2) ծառայողական առանձնատուն Երեւանի մէջ` համապատասխան սպասարկումով (հասցէն` Ձորափի 74, 3-րդ մասնաշէնք).
3) պետական ամառանոց Սեւանի մէջ` ապահովուած համապատասխան գոյքով եւ սպասարկումով (հասցէն` քաղաք Սեւան, Հրազդան գետի 4-րդ փողոց թիւ 50, Սեւանի թերակղզիի պետական ամառանոցի 3-րդ մասնաշէնք).
4) յատուկ նշանակութեան փոխադրամիջոց.
5) յատուկ սարքաւորուած օդանաւ եւ ուղղաթիռ:
Վարչապետի առողջական վիճակին հետեւելու նպատակով կ’առանձնացուի անձնական բժիշկ: Վարչապետը կրնայ ամբողջութեամբ կամ մասամբ հրաժարիլ սոյն յօդուածի 1-ին մասի 2-րդ-3-րդ կէտերով եւ 2-րդ մասով նախատեսուած սպասարկումէն:
սոյն յօդուածի 1-ին մասի 5-րդ կէտով նախատեսուած սպասարկումէն այլ բարձրաստիճան պաշտօնատար անձեր կրնան օգտուիլ վարչապետի որոշումով սահմանուած կարգով:
Յիշեցնենք, որ մինչեւ այս տարուան Մարտ 9 (ամենայն հաւանականութեամբ` Մարտ 2-ին․- խմբ․) Ազգային ժողովը պէտք է ընտրէ Հայաստանի Հանրապետութեան չորրորդ նախագահը: Հանրապետական կուսակցութեան նախագահի թեկնածուն Միացեալ Թագաւորութեան մէջ ՀՀ դեսպան Արմէն Սարգսեանն է:
2015-ի Սահմանադրական փոփոխութիւններուն համաձայն՝ Հայաստանի Հանրապետութիւնը կիսանախագահական կառավարման ձեւէն անցում կը կատարէ խորհրդարանական կառավարման ձեւին, որուն պարագային գործադիր իշխանութեան լծակներուն մեծ մասը կ’անցնի վարչապետը:
