Լիբանանի Հանրապետութեան Միւֆթիի կեդրոնատեղիին՝ Տար էլ-Ֆաթուայի մէջ տեղի ունեցաւ խորհրդակցական հանդիպում մը Գերմանիոյ նախագահ Ֆ. Շթեյնմէյերի եւ Լիբանանի քրիստոնեայ ու իսլամ համայնքապետներուն միջեւ։ Յիշեալ խորհրդակցական հանդիպումին Վեհափառ Հայրապետը ներկայացուց Լիբանանի Հայոց թեմի Առաջնորդ Գերաշնորհ Տ. Շահէ Եպս. Փանոսեան։
Յայտնենք, որ Գերմանիոյ նախագահը Լիբանան կը գտնուի երկօրեայ պաշտօնական այցելութեամբ։ Նաեւ յայտնենք, որ Գերմանիոյ դեսպանը յիշեալ այցելութեան կապուած խորհրդակցութիւն մը ունեցած է Վեհափառ Հայրապետին հետ։
