Արցախի Պաշտպանութեան բանակի հիւսիս-արեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ ականապայթումի հետեւանքով վիրաւորուած երկու զինծառայողներէն մէկը երէկ` Յունուար 9-ին, Ստեփանակերտէն տեղափոխեցին ՀՀ ՊՆ Կեդրոնական զինուորական հիւանդանոց: Լեռնային Ղարաբաղի զինուորական հիւանդանոցէն կը տեղեկացնեն, որ զինծառայողին ոտքը անդամահատած են, անոր վիճակը ծանր է եւ որոշուած է զինք տեղափոխել Երեւան:
Ականապայթումէն վիրաւորուած միւս զինծառայողին` Ն. Մարուքեանի ոտքը եւս անդամահատած են: Զինք աւելի կանուխ տեղափոխած էին ՀՀ ՊՆ Կեդրոնական զինուորական հիւանդանոց: Անոր վիճակը այսօր, կայուն ծանր է:
