Շաբաթ, 24. 02. 2024

spot_img

Հզօր Սփիւռք՝ Հայրենիքի Համար

Ռամկավար Ազատական Կուսակցութեան համար «Հզօր Սփիւռք՝ Հայրենիքի Համար» կարգախօսը համահայկական  առաջնահերթութիւններու ելակէտերէ դիտուած. է՛ ու կը մնայ  մեր ազգային գաղափարախօսութեան կարեւորագոյն տեսլականը:

2018 թուականի սեմին Հայաստան-Արցախ-Սփիւռք համագործակցութեան ու կամրջումի ծրագիրները աւելի եւս արդիւնաւէտութեամբ առաջնորդելն ու յաջողցնելն է մեր առաքելութիւնը եւ այս է համահայկական հրամայականը այսօր մեր ժողովուրդի զաւակներուն ու մանաւանդ իւրաքանչիւր նուիրեալ Ռամկավար Ազատականին:

2018-ի համահայկական հասարակական կեանքը կը նախատեսուի ըլլալ բեղուն եւ յոբելենական՝ Երեւանի 2800-ամեակով, Սարդարապատեան յաղթանակի եւ Առաջին Հանրապետութեան 100-ամեակով, Արցախի պահանջատիրական երթի 30ամեակով, հայրենդարձութեան նպատակակէտով եւ նորաստեղծ Համահայկական Խորհուրդի մեկնարկային աշխատանքներով: Այս բոլոր իրողութիւնները, Հայոց Ցեղասպանութեան ճանաչողութեան ու հատուցման, ինչպէս նաեւ Արցախի պետութեան հզօրացման ու անոր անկախութեան միջազգային  ճանաչման համար տարուելիք աշխատանքներուն հետ մէկտեղ մեր Կուսակցութեան համար նոր հնարաւորութիւններ ստեղծած են եւ մշտական պատասխանատուութիւններ են արդէն, որուն ի խնդիր՝ իւրաքանչիւրս մեր գործօն մասնակցութիւնն ու ներդրումը պէտք է ունենանք լաւագոյն յաջողութեամբ պսակելու զանոնք: 

Ամանորի եւ Սուրբ Ծնունդի պատեհաժամ առիթով սրտանց կը շնորհաւորենք Հայ Ժողովուրդի զաւակները ի Հայաստան, Արցախ եւ Սփիւռս աշխարհի, բոլորին մաղթելով քաջառողջութիւն եւ արեւշատութիւն:

Կեցցէ Հայաստանի Հանրապետութիւնը

Կեցցէ Արցախի Հանրապետութիւնը 

Կեցցէ Հայ Սփիւռքը

Կեցցէ Ռամկավար Ազատական Կուսակցութիւնը

Ի Դիմաց՝

ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹԵԱՆ

ԿԵԴՐՈՆԱԿԱՆ ՎԱՐՉՈՒԹԵԱՆ

    Սեւակ Յակոբեան                                                               Սերխիօ Նահապետեան

            Ատենադպիր                                                                                  Ատենապետ                                                                                                                                                              

1 Յունուար 2018

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին