Մոլորակի բնակչութեան թուաքանակը Յունուար 1-ին պիտի հասնի 7 միլիառ 444 միլիոն 443 հազար 881-ի:
Այս կանխատեսմամբ Դեկտեմբեր 28-ին հանդէս եկած են Միացեալ Նահանգներու Մարդահամարի պիւրոյի մասնագէտները:
Անոնց յայտարարութեան մէջ կը նշուի, որ «ընթացիկ տարուան Յունուար 1-ի համեմատութեամբ Երկրի բնակիչները աւելցած են 78.5 միլիոն մարդով»: Աճը կազմած Է 1.07 տոկոս:
Կը սպասուի, որ «գալիք տարուան Յունուարին իւրաքանչիւր վայրկեան լոյս աշխարհ պիտի գայ 4.3 երեխայ, պիտի մահանայ 1.8 մարդ»:
Աւելի առաջ Պիւրոն կանխատեսած է, որ 2050 թուականին աշխարհի վրայ պիտի ըլլայ 9 միլիառ մարդ:
11-րդ դարու սկիզբը ամբողջ երկրագունդին վրայ կ’ապրէր 310 միլիոն մարդ, 1900 թուականին` 1.6 միլիառ մարդ: 6 միլիառի հասած է 1999 թուականին, իսկ 2011 թուականին 7 միլիառի: Միացեալ Նահանգներու մէջ Յունուար 1-ին բնակչութեան թիւը պիտի կազմէ 326.97 միլիոն, որ 2.3 միլիոնով աւելի է, քան անցնող տարուան Յունուար 1-ին, կը հաղորդէ ԹԱՍՍ-ը:
