«Ինծի համար հեռացող 2017-ը հեշտ չէր, քանի որ այդ տարուան գրեթէ 9 ամիսը անցուցած եմ ազրպէյճանական բանտին մէջ Արցախ այցելութիւններուս պատճառով: Ինծի բախտ վիճակուեցաւ գտնուիլ ազրպէյճանական գլաններու կեղտոտ հաշիւներու մէջ, տեղեկանալ Ալիեւիներու ընտանեկան խժդժութիւններու մասին, թռչիլ Պաքուի սուլթանի կնոջ անձնական օդանաւով եւ տեսնել, թէ ի՛նչպէս իրարու կոկորդ կը կրծեն իշխանութեան ու քարիւղային փողերու համար այդ իսլամական երկրին մէջ, անոնց ցեղապաշտութիւնն ու ատելութիւնը ոչ միայն հայ ժողովուրդի նկատմամբ (արցախեան հակամարտութեան պատճառով), այլեւ այլադաւաններու նկատմամբ ընդհանրապէս․․․ Փորձելով վախցնել ամբողջ աշխարհը` գաճաճային Ազրպէյճանը, ընդհակառակը, նպաստեց, որ 2017-ին Արցախ այցելեն գրեթէ կրկնակի աւելի զբօսաշրջիկներ, քան նախորդ տարի: Անոնց մէջ էին մերձբալթիկայէն իմ լաւ բարեկամները, որոնք ֆիլմ նկարահանած են այս հրաշալի երկրամասի, անոր մշակոյթի, ժողովուրդի, բնութեան, յուշարձաններուն մասին»: Այս մասին գրած է լրագրող Ալեքսանդր Լափշին, որ այժմ կը գտնուի Չեխիա:
Ազրպէյճանը Նպաստեց, Որ 2017-ին Արցախ Այցելեն Գրեթէ Կրկնակի Շատ Զբօսաշրջիկներ․ Լափշին
