Ամերիկեան Business Insider-ը անդրադարձած է Սուրբ ծննդեան ընթրիքին աշխարհի 20 երկրի մէջ՝ ներկայացնելով նաեւ հայկական աւանդական ղափաման:
«Մենք դդումէն պատրաստուած ղափամայ ճաշատեսակը կը մատուցենք Ս. Ծննդեան տօնին արդէն դարեր շարունակ: Ս. Ծնունդը առանձնայատուկ տօն է, ուստի ատիկա միակ օրն է տարուան մէջ, երբ մենք ղափամայ կը պատրաստենք: Դդումը կը լեցնենք չամիչով եւ մեղրով համեմուած բրինձով, իսկ յետոյ զայն կը մատուցենք հնդկահաւի հետ»,- ըսած է Հայաստանի ներկայացուցիչը ամերիկեան պարբերականին, կը հաղորդէ «Փանարմինիըն»-ը:
Ղափաման աւանդական հայկական կերակրատեսակ է, որ աւելի յաճախ կը պատրաստուի Նոր տարուան եւ Զատիկի առիթով: Ղափաման պատրաստած են նաեւ ընկերային հաւաքոյթներու ժամանակ։
