Հինգշաբթի, 25. 07. 2024

spot_img

«Անգամ Մը Հայաստանի Մէջ». Զբօսաշրջային Պատմութիւններու Մրցոյթը

«Արմենիա»  Օդագնացական ընկերութիւնը (Armenia Air Company), «Արմէնփրէս» լրատուական գործակալութիւնը եւ ՀՀ տնտեսական զարգացման եւ ներդրումներու նախարարութեան զբօսաշրջութեան պետական կոմիտէն կը յայտարարեն «Անգամ Մը Հայաստանի Մէջ» ուշագրաւ եւ իրական պատմութիւններու մրցոյթ: Կ’ակնկալուի պատմութիւններու միջոցաւ ներկայացնել Հայաստանի զբօսաշրջային գրաւչութիւնը, նորովի բացայայտել աշխարհի հնագոյն երկիրներէն մէկուն՝ յայտնի ու տակաւին անյայտ կողմերը:

Մրցոյթին կրնան ներկայացուիլ պատմութիւններ հետեւեալ բովանդակութեամբ.
– Պատմութիւն, որուն հերոսը հեղինակն է
– Պատմութիւն, որուն առանցքը կը կազմէ Հայաստան այցելած զբօսաշրջիկը:

Մասնակցելու պայմաններն են՝
– Գրուածքի առաւելագոյն ծաւալը պէտք չէ անցնի 500 բառը:
– Պատմութիւնները պէտք է ներկայացուին հայերէնով:
– Մրցոյթին կրնան մասնակցիլ տարբեր երկիրներէ:
– Մրցոյթը կը մեկնարկէ 2017 թուականի Դեկտեմբեր 21-ին եւ կ’աւարտի 2018 թուականի Յունուար 13-ին ժամը 16:00- ին:
– Պատմութիւնները պէտք է ուղարկել contest@armenpress.am հասցէին` «Անգամ Մը Հայաստանի մէջ» թեմայով (subject line):
– Պատմութիւններու կողքին մասնակիցները պէտք է ուղարկեն նաեւ անձնագիրի ելեկտրոնային պատճէնը, հեռախօսահամարը եւ բարձր որակի լուսանկար, որ կը հրապարակուի պատմութեան հետ (անձնական տուեալներու թաքնութիւնը երաշխաւորուած է):
– Ներկայացուող պահանջները չբաւարարող յայտերը կ’որակազրուին եւ մրցոյթին չեն մասնակցիր:
– Մրցոյթի յաղթողներուն անունները կը հրապարակուին Յունուարի 20-ին:
– Պարգեւատրման արարողութեան մասին կը յայտարարուի լրացուցիչ:

Մրցոյթի մասնակիցը պէտք է նկատի առնէ.
– Պատմութեան հեղինակը ըլլալու հանգամանքը:
– Պատմութեան նախապէս որեւէ ձեւով չհրապարակուած ըլլալը (տպագիր կամ ելեկտրոնային տեսքով):
– Այն, որ պատմութիւնը գրուած է յատուկ «Անգամ Մը Հայաստանի մէջ» մրցոյթի համար:

Մրցանակ
Պիտի ընտրուի երկու յաղթող` իւրաքանչիւր բովանդակութեան համար մէկական մրցանակ: Յաղթողները կը ստանան անվճար անվանական տոմս Երեւան-Պէյրութ-Երեւան կամ Պէյրութ-Երեւան-Պէյրութ ուղղութեամբ: Մրցոյթին ներկայացուած եւ որակաւորում ստացած բոլոր պատմութիւնները պիտի հրապարակուին www.armenpress.am կայքի «Անգամ Մը Հայաստանի մէջ» խորագիրը կրող յատուկ բաժնին մէջ:
Յաղթող մասնակիցներու նիւթերը կը թարգմանուին եւ կը տեղադրուին «www.armenia.travel» Հայաստանի զբօսաշրջային պաշտօնական կայքէջին վրայ:
Մրցոյթին յաղթող մասնակիցները պիտի ընտրուին «Արմենիա» Օդագնացական ընկերութեան, «Արմենփրէս» լրատուական գործակալութեան եւ ՀՀ տնտեսական զարգացման եւ ներդրումներու նախարարութեան զբօսաշրջութեան պետական կոմիտէի համատեղ դատական կազմին կողմէ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին