Ամերիկացի բեմադրիչ Քլինթ Իսթուուտը ֆիլմ նկարահանած է Սորպոնի համալսարանի, ծագումով հայ դասախօս Մարք Մուղալեանի օգնութեամբ Ամսթերտամ-Փարիզ ճեպընթացին մէջ կանխուած ահաբեկչական գործողութեան մասին:
2015 Օգոսոտոս 21-ին Փարիզէն Ամսթերտամ մեկնող ճեպընթացի ուղեւոր Մարք Մուղալեանը առաջինն էր, որ նկատած էր 25-ամեայ մարոքացի ահաբեկիչ Սիւպա Ալ-քազանը, որ իր Քալաշնիքով տեսակի ինքնաձիգով հասցուցած էր կրակել ուղեւորներէն մէկուն վրայ եւ վիրաւորած զայն: Մուղալեանը փորձած էր վնասազերծել ահաբեկիչը ու խլել անոր հրազէնը, սակայն ահաբեկիչը կրակած էր Մուղալեանի վրայ եւ վիրաւորած զինք եւս: Օգնութեան հասած էին ճեպընթացի երեք ամերիկացի ուղեւորներ, որոնք յաջողած էին վնասազերծել ահաբեկիչը:
Մուղալեանը իր սխրանքին համար Ֆրանսայի նախագահ Ֆրանսուա Օլանտի կողմէ պարգեւատրուած էր Պատուոյ լեգէոնի սպայական շքանշանով:
The 15:17 to Paris կոչուող ֆիլմին անդրանիկ ներկայացումը տեղի պիտի ունենայ Փետրուար 9-ին: Ամերիկեան «Warner Bros. Pictures» շարժանկար արտադրող ընկերութիւնը արդէն հրապարակած է ֆիլմին trailer-ը։
