Ազրպէյճանցի զինծառայող, հայ սպայ Գուրգէն Մարգարեանը քնացած ժամանակ կացինահարած Ռամիլ Սաֆարովի զինուորական կոչումը բարձրացուցած են։
Ազրպէյճանական «Minval.az»-ը կը գրէ, որ ընկերային ցանցերու մէջ տարածուած տեղեկատուութեան համաձայն` սպայ Սաֆարովին շնորհուած է գնդապետ-հարիւրապետի կոչում:
2004-ի Փետրուար 19-ի գիշերը Ռամիլ Սաֆարովը թաքուն մտած էր Գուրգէն Մարգարեանի սենեակը եւ կացինահարած քնացած հայ սպան: Երկարատեւ դատական գործընթացէն ետք 2006-ի Ապրիլին Սաֆարովը Պուտափեշտի դատարանին կողմէ ցմահ ազատազրկման դատապարտուեցաւ` 30 տարի առանց ներման իրաւունքի: Հունգարական դատարանը բազմիցս յայտարարած էր, որ անհնար է Սաֆարովը արտայանձնէ Ազրպէյճանին, սակայն 2012-ի Օգոստոս 31-ին Սաֆարովը ան արտայանձնեց Ազրպէյճանին, ուր մարդասպանին նախագահ Ալիեւ անմիջապէս ներում շնորհեց, զինուորական բարձր կոչում տուաւ եւ միանուագ վճարեց 8 տարուան աշխատավարձը: Նոյն օրը պաշտօնական Երեւանը կասեցուց դիւանագիտական յարաբերութիւնները Պուտափեշտի հետ:
Թուրքիոյ մէջ յատուկ պատրաստութիւն անցած՝ Ազրպէյճանի Զինուած ուժերու սպայ Ռամիլ Սաֆարով 2004-ի Փետրուարին կը մասնակցէր ՆԱԹՕ-ի «Գործընկերութիւն յանուն խաղաղութիւն» ծրագիրի ծիրէն ներս անգլերէնի դասընթացքներուն, որուն կը մասնակցէին նաեւ հայ սպաներ Գուրգէն Մարգարեանն ու Հայկ Մակուչեանը:
