Երգահան Տիգրան Մանսուրեան ԱՊՀ երկիրներու մշակոյթի, գիտութեան եւ կրթութեան այլ գործիչներուն մէջ դարձած Է «Համագործակցութեան աստղ»-ի դափնեկիր:
Պարգեւներու յանձնման հանդիսաւոր արարողութիւնը Դեկտեմբեր 11-ին կայացած Է ԱՊՀ-ի մասնակից պետութիւններու ստեղծագործական ու գիտական մտաւորականութեան` Մոսկուայի մէջ ընթացող համաժողովի ընթացքին:
«Համագործակցութեան աստղ» մրցանակը 2009 թուականէն աւանդաբար կը շնորհուի արուեստի, գիտութեան եւ կրթութեան բնագաւառի մէջ նշանակալի ձեռքբերումներու համար: Անոր հիմնադիրներն են` Մարդասիրական համագործակցութեան խորհուրդը եւ ԱՊՀ-ի մասնակից պետութիւններու մարդասիրական համագործակցութեան միջպետական հիմնադրամը: Պարգեւի դրամական մասը կը կազմէ 2 միլիոն ռուպլի:
