Խորհրդարանը այսօր առաջին ընթերցմամբ ընդունեց «Ընտանիքի մէջ բռնութեան կանխարգիլման, ընտանիքի մէջ բռնութեան ենթարկուած անձերու պաշտպանութեան եւ ընտանիքի մէջ համերաշխութեան վերականգնման մասին» օրէնքի նախագիծը:
Մինչ քուէրակութիւնը «Ծառուկեան» խմբակցութեան ղեկավար Վահէ Էնֆիաջեան նշած է, որ իրենց խմբակցութեան մէջ քննարկումներ տեղի ունեցած են եւ որոշած, որ այս հարցի հետ կապուած պատգամաւորները պիտի քուէարկեն ազատ:
«Ծառուկեան» խմբակցութեան պատգամաւոր Գէորգ Պետրոսեան ըսած է. «Իմ անձնական տեսակէտը կը յայտնեմ, որ այս օրէնքի վերնագիրը հանգիստ կարելի է դնել ՀՀ օրէնքը` տնաքանդութեան մասին:
Նախագիծը ընդունուեցաւ 73 կողմ, 12 դէմ եւ 6 ձեռնպահ քուէարկութեամբ:
Խորհրդարանը ընդունեց նաեւ շարք մը այլ նախագիծեր, որոնց մէջ են «Հանրագիրներու մասին» օրէնքի նախագիծը, «Սահմանամերձ համայնքներու ընկերային աջակցութեան մասին» ՀՀ օրէնքին մէջ փոփոխութիւն կատարելու մասին օրէնքի նախագիծը:
