ՀՀ վարչապետ Կարէն Կարապետեան 1988 թուականի երկրաշարժի 29-րդ տարելիցի առիթով այցելած է Կիւմրի: Ան ժամը 11:41-ին ծաղիկներ դրած է Կիւմրիի Սուրբ Ամենափրկիչ եկեղեցւոյ մէջ տեղադրուած 1988-ի երկրաշարժի զոհերու յիշատակը յաւերժացնող յուշարձանին եւ մասնակցած պատարագին:
«Մենք ամէն օր պէտք է աշխատինք, որպէսզի կեանքը այստեղ փոխուի: Այն խնդիրները, որոնք այսօր Կիւմրին, մեր ժողովուրդը ունին, յաղթահարելի են, ուղղակի պէտք է լաւատեսութեամբ նայիլ ապագային եւ աշխատիլ»,- ըսած է Կարապետեան:
Կառավարութեան ղեկավարը ընդգծած է, որ Կիւմրիի հետ կապուած համալիր ծրագիր կ’իրականացուի եւ քաղաքին մէջ կեանքի որակը սկզբունքօրէն պիտի փոխուի:
