Հայաստանի խորհրդարանը վաւերացուց 100 միլիոն տոլարի վարկային համաձայնագիրի ծիրէն ներս Ռուսիոյ Դաշնութենէն ժամանակակից սպառազինութիւն ձեռք բերելու մասին համաձայնագիրը: Այս մասին կը հաղորդէ «Armenpress.am»-ը։
Համաձայնագիրը վաւերացնելու հարցին միաձայն կողմ քուէարկեց 92 պատգամաւոր: Համաձայնագիրով ՌԴ-ն մինչեւ 100 միլիոն տոլարի պետական արտահանման վարկ պիտի տրամադրէ Հայաստանի կառավարութեան` ռուսական արտադրութեան ռազմական նշանակութեան սարքերու մատակարարումներու ֆինանսաւորման համար:
Զինատեսակներուն ցանկը կրնայ փոփոխուիլ ՀՀ ՊՆ եւ ՌԴ ռազմամթերքի համագործակցութեան դաշնային ծառայութեան փոխադարձ գրաւոր համաձայնութեամբ, քանի որ վարկը պիտի իրականացուի 5 տարուան ընթացքին, իսկ այդ ընթացքին կրնայ նոր զինամթերք արտադրուիլ եւ վարկի ծիրէն ներս նոր զինատեսակներու ձեռքբերման վերաբերեալ համաձայնութիւն ըլլալ: Վարկը Հայաստանին կը տրամադրուի հինգ տարի ժամկէտով` երեք տոկոս տոկոսադրոյքով: ՀՀ-ն ՌԴ-էն ժամանակակից սպառազինութիւն ձեռք բերելու ներքին գիներով:
